المسامح كريم

موضوع: المسامح كريم الأربعاء يوليو 08, 2009 3:23 am

((المسامح كريم ))

تريد اعددلك واراويك الجروح ؟
ولو تعرفهن بعد ما داعـــــــــي

سيوف جانت ريحك وانه اعتنيت
وابقى واكف .. ماحنيته شراعي !

فرني مصراع الوكت بس ماحجيت
ومن كمت .. فر الوكت مصراعي

انت من ودعت .. زفيتك عروس ..
وآنه سكته .. ولا حضرته وداعي

بس انا مسامح.. والمسامح كريم
وآنه اطباع الكريــــــم .. اطباعي

لكن اعتب عالمــــلح ما عثراك
ولا بخت شاته .. التعثر الراعي

انه شلتك ملح واجتافي الجروح
شلون كلي .. بشيلتك ماداعي ؟؟

وانه ذراعي الشبعك لمن تجوع
جا شبعت؟؟!!
تريد تلوي ذراعي ؟!